Día Internacional do Deseño

Celebramos o Día Internacional do Deseño repasando algúns dos carteis dos nosos espectáculos creados polos deseñadores gráficos que máis colaboraron coa compañía.

Hoxe, 27 de abril, é o Día Internacional do Deseño, ou tamén do deseño gráfico. Conmemorando o traballo destes profesionais, quixemos recopilar varios carteis de deseñadores que traballaron con nós en Teatro do Noroeste e que crearon a cartelería de varios dos nosos espectáculos en distintos momentos.

Sobre o deseño gráfico, podemos mencionar que ten un papel fundamental nas artes escénicas xa que a cartelería, os flyers, programas de man ou recursos gráficos dixitais, son o primeiro que se ven da obra de teatro e poden ser decisivos á hora da escolla do público ou dos programadores. Por iso, en Teatro do Noroeste traballamos en repetidas ocasións cos mesmos deseñadores, que souberon captar a nosa esencia e a dos nosos espectáculos.

Falaremos de tres destes deseñadores gráficos: Óscar Canal, Jacobo Bugarín e César Seijas.

Óscar Canal deseñador gráfico referencia para a nosa compañía, foi o que elaborou gran parte dos deseños das nosas obras nos nosos inicios: Tagen Ata (1990), Os Xustos (1991), A Grande Noite de Fiz (1992), Galileo Galilei (1993), Unha rosa é unha rosa. Comedia de medo (1997), Feirantes (1999), A Celestina. Comedia dos tolos amores de Calisto e Melibea (2000), O País Acuático (2000), Alta Comedia (2001) e Ensaio (2004).

Jacobo Bugarín deseñador gráfico e fotógrafo ligado ás artes escénicas, fixo con Teatro do Noroeste os carteis e gráficas de Romeo e Xulieta (2007), Extrarradios. Comedia das mulleres desamparadas (2008) e Último Cowboy (2011).

César Seijas, ademais de director de fotografía e realizador, é o deseñador vinculado na actualidade a Teatro do Noroeste, creador dos carteis e gráficas dos últimos espectáculos da compañía: Estado de Graza (2017), Animais de Compañía (2017), Da Avaricia, a Luxuria e a Morte (2018), As Virxes Salvaxes (2020), Gloria Nacional (2021), Feirantes (2022) e As Damas de Ferrol (2023).

Podes ver todos estes carteis e a ficha coa información sobre os espectáculos premendo nas ligazóns de arriba, mais aquí deixámosvos unha pequena selección:

Na actualidade xa estamos preparando os nosos próximos proxectos que, como non podía ser doutro xeito, tamén contaran cunha persoa profesional do deseño gráfico.