O PAÍS ACUÁTICO

En O país acuático cinco actrices e actores interpretan ás personaxes que contan a historia deste país, un país que, a pesar do seu nome ou quizáis por el, non tiña auga. Un país sen mar, sen río, sen regato, sen charco, sen encoro, sen pozanca; pero que, grazas á imaxinación dos seus habitantes, acadou o que máis estimaba: transformarse nun país fermoso e florido, cheo de fontes e chafarices.

Unha metáfora do que ocorre no mundo no que a riqueza a controlan uns poucos e para outros é allea.

Un espectáculo para rapazas e rapaces, pero tamén para a nena e neno que algúns adultos aínda levan dentro.