"Alúgase cuarto con dereito a baño". Baixo este reclamo de acollida agóchase a tortura, a pillaxe e a morte. Nunha aldea de Galicia, dúas mulleres esperan xuntas: unha, un regreso; a outra, unha víctima. Nisto cifran a súa salvación, sen saber que as dúas agardan o mesmo.
Na súa hora, o que tenque vir, vén. Ironicamente, el será o esperando e a víctima. Nas súas mans trae a salvación que agardan. Pero, esa mesma espera volveunas cegas, incapaces de vela, é así como a destrúen.
Tres compañías cunha sólida traxectoria teatral -Teatro do Noroeste de Santiago de Compostela, Noescafé Teatro de Vigo e Cámara Negra de Sevilla- únense para coproducir este rito cruel, descarnado e grotesco, este oratorio que mistura o cómico e o tráxico para amosarnos a imposibilidade da esperanza nun munfo cruel e despiadado, no que o estranxeiro non ten lugar e onde a miseria leva, inevitablemente, á cegueira e aos instintos máis primarios de supervivencia.
"Veu aos seus, e os seus non o recibiron." (Jn 1, 11)
