08 / Abril / 2024
O proxecto arredor do espectáculo teatral As Damas de Ferrol, presentado por Teatro do Noroeste ao certame convocado pola área de Igualdade da Deputación, foi elixido polo xurado entre un total de 17 proxectos participantes
O proxecto elaborado arredor da obra teatral As Damas de Ferrol, que foi estreada en decembro de 2023 no Teatro Jofre de Ferrol, recibiu en marzo de 2024 o V Premio ‘Luisa Villalta’ a proxecto pola igualdade, seleccionado polo xurado “pola súa capacidade de promover avance en materia de igualdade, violencia machista, diversidade, interseccionalidade e transversalización de xénero, así como a súa capacidade transformadora a favor da superación das desigualdades de xénero e as posibilidades de cambio social”.