A nosa obra gañou o premio ao proxecto pola igualdade no concurso convocado pola Deputación da Coruña
A obra teatral As Damas de Ferrol estreada o pasado decembro no Teatro Jofre de Ferrol, vén de recibir o V Premio Luisa Villalta a proxecto pola igualdade “pola súa capacidade de promover avance en materia de igualdade, violencia machista, diversidade, interseccionalidade e transversalización de xénero, así como a súa capacidade transformadora a favor da superación das desigualdades de xénero e as posibilidades de cambio social”.
Foi premiado xunto con outros dous proxectos o da Asociación veciñal Oza Gaiteira Os Castros e o da ONG Ecos do Sur. En palabras de Soledad Agra, a deputada de igualdade da Deputación da Coruña: “as tres teñen gran impacto social e as tres axudan a construír unha sociedade máis igualitaria”.
O equipo humano detrás do noso proxecto As Damas de Ferrol:
- Casilda Alfaro, actriz, interpreta a Lurdes
- Mónica Camaño, actriz, interpreta a Maruxa
- Clara Gayo na dirección
- Eduardo Alonso na dramaturxia
- Eva Alonso na produción
- Chefa Alonso na composición musical orixinal
- Carlos Alonso na escenografía e vestiario
- César Seijas no deseño gráfico
- Chiripa, produtora audiovisual, na fotografía e vídeo
- RTA no servizo técnico
- Melina Regueira na distribución
Deixámosvos aquí a nova da Deputación da Coruña e adxunto, premendo no botón, a noticia compartida por enfoques.gal.