Teatro do Noroeste
<- Volver

Próximos Proxectos

  • TÍTULO: ANIMAIS DE COMPAÑÍA
  • AUTOR: Eduardo Alonso
  • Animais de compañía é unha fábula moderna sobre as relacións humanas e o respecto ás diferenzas. A igualdade é un valor ético de grande importancia.
  • REPARTO:
    Imma António (01.- Actriz, papel de cadela Fedra) · Manuela Varela (02.- Actriz, papel de gata Maxa) · Equipo Taetro (03.- Deseños de escenografía e vestiario) · Bernardo Martínez (04.- Composición musical) · Eva Alonso (05.- Produción e deseño gráfico) · Eduardo Alonso (06.- Dirección e deseño de iluminación)
  • RESUMO:
    Nunha noite como moitas, Fedra e Maxa intentan non levarse non excesivamente mal. Fedra é unha cadela maior que non soporta a excitación que Maxa habitualmente ten, porque Maxa e unha gata nova que quere sempre xogar e descubrir novos horizontes. Tanto a unha como a outra foron recollidas pola súa ama, Rebeca, unha actriz nova que, como vivía soa, optou por conseguir compañía. Fedra provén dun refuxio de animais, onde foi parar despois dun recorrido vital amplo e cheo de circunstancias, Maxa é unha gata da rúa que toma a casa de Rebeca como propia co consentimento da titular. Pero entre elas non se levan demasiado ben, simplemente se soportan. Fedra vive co seus recordos, pasou por moitos donos e habitou en moitos lugares e a seu distracción principal e relembralos. Por exemplo, viviu algúns anos nun galpón á beira da ría, pero o seu dono o malvendeu a uns negociantes de Madrid que fixeron con el un apartamento a pe de praia. Tamén conviviu con outro can “Campión” do que o dono dicía que falaba, pero ela soamente o escoitou ladrar e un par de veces ouvear pero moi de mala maneira. Tamén conviviu cun dono que ía nunha vespa á cidade e a levaba dinte, entre as pernas. Cando collía as curvas a pobre cadela estaba sempre a piques de dar cas costas no empedrado e tiña que agarrarse cas uñas como si fora mesmamente unha gata doente. Agora sentíase moi tranquila vivindo a conta de Rebeca, porque iso é o que fan os animais de compañía, vivir a conta dos donos. Pero rebeca era unha boa rapaza, nunca tiña moitos cartos, pero non deixaba de traerlle corazón de vaca que era do que máis gustaba Fedra. Agora víase moi tranquila sentada na terraza a noitiña, pero Fedra era unha verdadeira devoradora de corazóns de vaca. E realmente estaba comezando a preocuparse un pouco porque Rebeca non daba chegado, facía uns días que faltaba da súa casa e iso non era normal, sempre estaba disposta a pasarse a tarde en pixama, sentada no sofá comendo cacahuetes e acariñando a lombo de Fedra, se cadra lle pasara algo malo. Pola súa banda, Maxa era doutra pasta. Primeiro, Rebeca non era a súa ama, era, digamos unha coñecida á que soportaba e coa que convivía naquela casa, maiormente na terraza, porque Maxa entraba pouco na casa, de seguido marchaba polos tellados da cidade e perdíase o seu rastro varios días. Soamente se animaba a pecharse en casa a xaneira, cando todos os gatos da cidade andaban tras dela, pero a ela non lle gustaban os gatos, en realidade ela non se sentía un gato, ela sentíase un ser humano como outro calquera, simplemente que tiña rabo, pero moitos seres humanos tamén teñen rabo aínda que eles non o recoñezan. Normalmente Fedra e Maxa non falaban entre elas, de cote facían como se a outra non existise. Era ese comportamento tan habitual nos animais, mesmo nos racionais, convives anos e anos con xente coa non intercambias unha soa frase, veciños, compañeiros de traballo, de autobús ou mesmo de café na cafetería. Pero hoxe é un día especial, hoxe Maxa e Fedra falarán entre si, salvando todas as distancias que a natureza estableceu entre unha cadela maior e unha gata nova. É que tanto a unha como a outra están preocupadas por a tardanza da súa dona. Ao comezo fan como se non lles preocupara, sobre todo Maxa, pero conforme pasa o tempo a preocupación irá en aumento ata chegar a alarmarse moito. Pronto descubrirán que posiblemente Rebeca non volva nunca máis, porque a vida, as veces e inexplicablemente, é moi cruel con quen non debe.

VIDEO

FICHEROS

DOSSIER:

PROGRAMA:

NECESIDADES TÉCNICAS:

PLANO DE ILUMINACIÓN:

FOTOS

Non hai fotos dispoñibles.

ACTUACIÓNS

04-11-2017 Teatro Colón A Coruña
05-11-2017 Teatro Colón A Coruña
07-11-2017 Teatro Colón A Coruña
08-11-2017 Teatro Colón A Coruña
09-11-2017 Teatro Colón A Coruña
10-11-2017 Teatro Colón A Coruña
19-11-2017 Casa da Cultura Vimianzo (A Coruña)
01-12-2017 Centro Cívico Arteixo (A Coruña)