<- Volver

HISTORIAL

• TÍTULO: OS XUSTOS
• AUTOR: Albert Camus
• Estreada no Salón de Actos do I.B. Xelmírez I de Santiago de Compostela, o día 19 de abril de 1991.
• ESTREA: 1991
• REPARTO:
  Ernesto Chao (01.- Actor) · Luma Gómez (02.- Actriz) · Carlos Blanco (03.- Actor) · Diego Varela (04.- Actor) · Raúl Varo (05.- Actor) · Xerardo del Río (06.- Actor) · Pepe Soto (07.- Actor) · Belén Constenla (08.- Actriz) · Xosé Manuel Beiras (09.- Traducción) · Emilio Cao (10.- Música) · Paco Conesa (11.- Escenografía, indumentaria) · Rosa Míguez (12.- Axudante de dirección) · Eduardo Alonso (13.- Iluminación, dirección)
• RESUMO:
  Recibiu o premio “Compostela� na súa edición de 1.992 á mellor iluminación teatral realizada no ano anterior.
  
  Rusia, comezos do século XX.
  
  Un grupo de idealistas forma parte dunha organización que ten como obxectivo derrocar ao Zar e implantar un novo réxime. Cinco deles, catro homes e unha muller, xúntanse nun piso onde reciben as últimas instrucións para a súa máis inminente acción que vai ser dirixida contra o Gran Duque.
  
  As distintas concepcións que cada un dos personaxes ten sobre a liberdade, a xustiza, a opresión e en definitiva o ben e o mal, son o eixo central desta trama na que ao final da mesma queda no aire a pregunta de se é lícito ou non que para conseguir unha causa que algúns consideran xusta teñan que pagar polo camiño inocentes. Na segunda metade da obra a acción trasládase a unha cela, onde se atopa Kaliaiev, apresado cando levaba a cabo a acción contra o Gran Duque. As entrevistas que alí mantén con outro condenado, que vai ser o seu propio verdugo, e máis co comisario de policía poñen en evidencia os distintos puntos de vista que o ser humano ten acerca do momento e do mundo que lle tocou vivir, pero esta contradición chega ao seu momento máis álxido na visita que a propia Gran Duquesa fai ao que se considera o seu xusticeiro.

ACTUACIONS

19-04-1991

Salón de Actos do I.B. Xelmírez I

Santiago de Compostela